იურიდიული პირის შემთხვევაში, დომენის მფლობელისვინაობა არის საჯარო და შემოწმება შესაძლებელია nic.ge ვებ გვერდის დომენის საძიებო ველის ან WHOIS სერვისის მეშვეობით, რომელიც განთავსებულია შემდეგ მისამართზე: whois.nic.ge.
ფიზიკური პირის შემთხვევაში, დომენური სახელის მფლობელის ვინაობა არის კონფიდენციალური და ხელმისაწვდომია შემდეგი ინფორმაცია:
იმ შემთხვევაში თუ რეგისტრატორს ან/და ადმინისტრატორს მიმართავს მესამე პირი, რომელიც მისი შესაძლო დარღვეული უფლებების სამართლებრივი დაცვის მიზნებისთვის მოითხოვს ისეთი ინფორმაციის გამჟღავნებას, რომელიც არ არის გამოქვეყნებული WHOIS მომსახურების მეშვეობით, იმ რეგისტრანტის შესახებ, რომლის დომენური სახელის რეგისტრაციაც შესაძლოა ლახავდეს ასეთი მესამე პირის კანონიერ უფლებებსა და ინტერესებს, ან იმ შემთხვევაში, თუ რეგისტრანტის შესახებ ინფორმაციის გამჟღავნებას მოითხოვს იურისდიქციის მქონე უფლებამოსილი ორგანო შესაბამისი კანონმდებლობის მოთხოვნათა დაცვით ან/და დომენურ სახელთან დაკავშირებით ინიცირებული დავის ფარგლებში, WIPO-ს არბიტრაჟისა და მედიაციის ცენტრი რეგისტრატორი ან/და ადმინისტრატორი უფლებამოსილია გაუმჟღავნოს ასეთ მესამე პირს, ორგანოს, WIPO-ს არბიტრაჟისა და მედიაციის ცენტრს რეგისტრანტის შესახებ ინფორმაცია.
WHOIS მომსახურება ნიშნავს მომსახურებას, რომლის შუამავლობითაც დომენური სახელების და რეგისტრანტების შესახებ ინფორმაცია გადაიცემა მონაცემთა საჯარო კომუნიკაციის ქსელში.
ადმინისტრატორი უფლებამოსილია ადმინისტრატორის ვებ-გვერდზე WHOIS მომსახურების მეშვეობით გამოაქვეყნოს რეგისტრანტის მიერ განაცხადში მითითებული ინფორმაცია რეგისტრანტისა და მის სახელზე რეგისტრირებული დომენური სახელის შესახებ, რომელიც GDRP-ის ფარგლებში მოიცავს შემდეგს:
ფიზიკური პირის შემთხვევაში:
იურიდიული პირის შეთხვევაში:
.ge დომენის ადმინისტრატორი ნიშნავს საქართველოს კანონმდებლობის შესაბამისად რეგისტრირებულ იურიდიულ პირს, რომელიც ადმინისტრირებას უწევს .GE ქვეყნის კოდის ზედა დონის დომენს, უზრუნველყოფს დომენური სახელების რეესტრის ფუნქციონირებას, .GE ზედა დონის დომენის (TLD- Top Level Domain) სახელის სერვერების უსაფრთხო და სტაბილურ ფუნქციონირებას, .GE ზედა დონის დომენის (TLD) ზონის მონაცემების შესახებ რეგულარული განახლებების გენერირებას. .GE ქვეყნის კოდის ზედა დონის დომენის ადმინისტრატორი არის შპს კავკასუს ონლაინი.
.ge დომენის რეგისტრატორი ნიშნავს იურიდიულ პირს, რომელსაც აქვს ადმინისტრატორის მიერ მინიჭებული აკრედიტაცია და რეგისტრატორის ხელშეკრულების შესაბამისად უწევს სარეგისტრაციო მომსახურებას რეგისტრანტებს.
იმ შემთხვევაში, თუ რომელიმე რეგისტრატორი კომპანიის შეწყვეტს ფუნქციონირებას, ტრანზიტის პროცედურის საშუალებით, ადმინისტრატორი დროებით დაიბრუნებს აღნიშნული რეგისტრატორის პორტფელში არსებულ დომენებს და რეგისტრანტებს შეუქმნის დროებით პროფილებს ადმინისტრატორის ვებ გვერდზე. რეგისტრანტი ვალდებულია 30 დღის განმავლობაში განახორციელოს დომენის ტრანსფერი მის მიერ შერჩეულ რეგისტრატორ კომპანიაში. ტრანზიტის პირობებში, რეგისტრანტი არ იხდის ტრანსფერის საფასურს.
საკონტაქტო ინფორმაციის განახლება ხდება ადმინისტრატორის ვებ გვერდზე არსებული პირადი პროფილიდან. ან, ადმინისტრატორის ოფიციალურ ელ.ფოსტაზე მოთხოვნის წერილის გაგზავნით. ფიზიკური პირის შემთხვევაში საჭიროა პირადობის მოწმობის ასლის დართვა. იურიდიული პირის შემთხვევაში ხელმოწერითა და ბეჭდით დადასტურებული ოფიციალური წერილის გაგზავნა.
საკონტაქტო ელ.ფოსტის მისამართის ცვლილება შესაძლებელია ადმინისტრატორის ვებ გვერდზე არსებული პირადი პროფილიდან ან ადმინისტრატორის ოფიციალურ ელ.ფოსტაზე მოთხოვნის წერილის გაგზავნით. ფიზიკური პირის შემთხვევაში საჭიროა პირადობის მოწმობის ასლის დართვა. იურიდიული პირის შემთხვევაში ხელმოწერითა და ბეჭდით დადასტურებული ოფიციალური წერილის გაგზავნა.
ადმინისტრატორი უფლებამოსილია უარი უთხრას რეგისტრატორს, ასევე, რეგისტრატორი უფლებამოსილია უარი უთხრას რეგისტრანტს დომენური სახელის რეგისტრაციაზე ან შეაჩეროს რეგისტრაცია არსებითი საფუძვლების არსებობის შემთხვევაში:
ადმინისტრატორი ან/და რეგისტრატორი ვალდებულია გააუქმოს დომენური სახელის რეგისტრაცია:
ინტელექტუალური საკუთრების მსოფლიო ორგანიზაციის (WIPO) არბიტრაჟისა და მედიაციის ცენტრს („WIPO-ს ცენტრი“) უფლება აქვს დაიწყოს ადმინისტრაციული წარმოება თუ წესების შესაბამისად WIPO-ს ცენტრს მიმართავს მესამე მხარე („მოსარჩელე“) და დაასაბუთებს რომ:
.GE დომენურ სახელებთან დაკავშირებული დავის წარმოებისთვის ინტელექტუალური საკუთრების მსოფლიო ორგანიზაციის (WIPO) არბიტრაჟისა და მედიაციის ცენტრთან საკომუნიკაციოდ ინფორმაციის მიღება შესაძლებელია წინამდებარე ბმულზე: https://www.wipo.int/amc/en/domains/cctld/ge/index.html